ઘણું અઘરું છે મળવાનું, બીજાના મનને કળવાનું. જીવનભર એ કર્યું છે ને, હવે અંતે ય બળવાનું ? ચલો, કોશિશ તો કરીએ, દૂધે સાકર શું ભળવાનું ! બધાંએ વૃક્ષના ભાગે, નથી હોતું જ ફળવાનું ! જીવન માટે ઝઝૂમ્યા ને, મરણ કાજે ટટળવાનું ! તને હું કામ સોંપું છું, ઋષિના મનને ચળવાનું ! અમે છટકીને અહીં આવ્યા, [...]
જે અક્ષરો કાગળ ઉપર આંક્યા હતા એ લાગણીને ટાંકણે ટાંક્યા હતા તેં કફન ખોલી કદી જોયું નહીં મેં શ્વાસ થોડા સાચવી રાખ્યા હતા – વિનોદ ગાંધી
આમ તો નાચીજ છે આખું જગત, લોભવે એ ચીજ છે આખું જગત. ચૌદ આની હોય છે ઢંકાયલું, આભમાંની બીજ છે આખું જગત. છોડવું ગમતું નથી હર કોઈને, આ કયું તાવીજ છે આખું જગત ? નામ લેતાં એક જણ ગિન્નાય છે, એક જણની ખીજ છે આખું જગત. ચોતરફ કાદવ રહે છે હરઘડી, એટલે સરસિજ છે આખું [...]
કોને ખબર કે ફૂલો પીળાં થતા જશે ? ચહેરાઓ આ બધાએ વિલાં થતા જશે ? આ લાગણી ને બુદ્ધિનો ‘ક્રોસ’ થઈ પછી માણસના નખ વધીને ખીલા થતા જશે ? – વિનોદ ગાંધી