દૂધ ને માટે રોતા બાળક, રો તારા તકદીરને રો એ ઘરમાં તુ જનમ્યું શાને, જે ઘરમાં ઉપવાસ ફરજ છે, દર્દ વ્યથા પરીતાપ ફરજ છે, ગમ અશ્રુ નિશ્વાસ ફરજ છે .. દૂધને માટે રોતાં બાળક ત્યાં જન્મત તો પુષ્પ હિંડોળે નર્મ શયનનાં સાધન હોત મોટર મળતે, ગાડી મળતે, નર્સનાં લાલન-પાલન હોત સોના-રૂપાના ચમચાથી દૂધની ધારા વહેતી [...]
કહે છે કોણ આ ધરતી અમારે મન પરાઈ છે, અમારા દેહમાં એની જ તો ખુશ્બૂ લપાઈ છે; ખરેખર તો હવે કૈ રંગમાં આવ્યા છે સંબંધો, વતન સાથે અમારે ‘શૂન્ય’ લોહીની સગાઈ છે. – ‘શૂન્ય’ પાલનપુરી
સહન ચુપચાપ કરવાથી જીવન ફોગટ વહી જાશે. કદમની બેડીઓ ‘કાયર’ સમા શબ્દો કહી જાશે. જવાંમર્દીથી એક જ કૂદકે અવરોધ ટાળી દે, નહીંતર મંઝિલો દીવાલની પાછળ રહી જાશે. – શૂન્ય પાલનપુરી
ભક્તિ કેરી કાકલૂદી, સ્વાર્થ કેરા જાપ બંધ શંખનાદો ઝાલરોને બાગના આલાપ બંધ મેં જરા મોટેથી પૂછ્યો પ્રશ્ન કે હું કોણ છું? થઈ ગયા ધર્માલયોના દ્વાર આપોઆપ બંધ – ઉમ્મર ખૈયામ ( અનુવાદક- “શૂન્ય” પાલનપુરી)
મોત કેરા નામથી ગભરાઉં એવો હું નથી, બીકથી વહેવાર ચૂકી જાઉં એવો હું નથી; જાન દીધો છે ખુદાએ ચાર દિ’ માટે ઉધાર, એને પાછો સોંપતાં અચકાઉં એવો હું નથી. શું કુબેરો ? શું સિકંદર ? ગર્વ સૌનો તૂટશે, હો ગમે તેવો ખજાનો બે જ દિનમાં ખૂટશે; કાળની કરડી નજરથી કોઈ બચવાનું નથી, આજ તો ફૂટી [...]
બુદ્ધિના પ્યાલે ભરીને લાગણી પીતો રહે, છે સુરાલય જિંદગીનું, જિંદગી પીતો રહે; કોઈની આંખોથી આંખો મેળવી, પીતો રહે, દિલના અંધેરા ઉલેચી, રોશની પીતો રહે. – શૂન્ય પાલનપુરી “ખૈયામ”
નથી પૂછતો, ઓ સમય! કે હજી તું ગુજારીશ દિલ પર સિતમ કેટલા? એટલું પ્રેમથી માત્ર કહી દે મને, જોઇએ તારે આખર જખમ કેટલા? ઓ ખુદા! આ ફરેબોની દુનિયામહીં, પ્રેમ તારો ખરેખર કસોટી જ છે સાફ કહી દે કે રાજી તને રાખવા, પૂજવા પડશે મારે સનમ કેટલા? દર્દની લાગણીના ઘણા રૂપ છે, માત્ર આંસુ જ હોવા [...]
પ્રેમ કાજે, પ્રેમ દ્વારા, પ્રેમ કેરા ટાંકણે, સર્જકે મુજ શિલ્પ કંડાર્યું જીવનના આંગણે; દિલને ઘડતાં રજ ખરી એનાથી જે કૂંચી બની, કામ લાગી જ્ઞાનના ભંડાર કેરા બારણે. – શૂન્ય પાલનપુરી
ઓ પ્રિયે, પરિકરના જેવું આ જીવન આપણું બે જુદા શિર છે પરંતુ એક તન છે આપણું વર્તુળો રચવા લગીની છે જુદાઈની વ્યથા કાર્ય પૂરું થઈ જતાં સ્થાયી મિલન છે આપણું – ઉમ્મર ખૈયામ ( અનુવાદ : શૂન્ય પાલનપુરી)
આ શેર અંતાક્ષરીનાં સર્જક પ્રો. સુમન અજમેરીનો પણ મુદ્રણ પરવાનગીઆપવા બદલ આભાર આ શેર અંતાક્ષરી ટાઈપ કરી અત્રે રજુ કરવા બદલ દેવીકાબેન ધ્રુવ નો આભાર. ———————————————————————— ઢમ ઢમ બાજે ઢોલ નગારાં, યારો રમવા આવો; શેર,ગઝલ સરવાણી મીઠી શબ્દે શબ્દે વહાવો.. ( પ્રો.સુમન અજમેરી ) વતનની ધૂળથી માથું ભરી લઉં આદિલ અરે આ ધૂળ પછી ઉમ્રભર [...]