જિંદગી કોને કહો છો, જો નહિ
આંખમાં લાલી ભરી સ્વપ્નો તણી ?
ને સ્વપ્નને સાચાં કરી ઊતારવા
ઝંખતી ના આરઝૂ હૈયા તણી ?
જિંદગી શી ચીજ છે, જો એ નહિ
કૂચ સાધે ધ્યેયની રેખા ભણી ?
ફુરસદ નહિ યે બે ઘડી ખોટી થવા
મોજ મીઠી માનવા આંસુ તણી ?
જિંદગી શું છે કહોને, જો નહિ
તાઝગી જાણે કદી એ તેજની ?
વિશ્વને અંધાર જો એ ના બને
અંત સુધી સળગતી અગ્નિકણી ?
-મકરન્દ દવે
કોઈ ગુનો કર્યોજ નથી,એમ પણ નથી.
એને હું સાંભર્યોજ નથી,એમ પણ નથી.
મારી લથડતી ચાલ મને ક્યાં લઈ જશે?
તેં હાથ આ ધર્યોજ નથી,એમ પણ નથી.
આ ગામ,આ ગલી, આ ઝરૂખો તો ગયાં પણ
પાછો હું ત્યાં ફર્યો જ નથી,એમ પણ નથી.
તારાથી હોઠ ભીડી મેં નજરોને હટાવીઅ
ને કાંઈ કરગર્યો નથી ,એમ પણ નથી.
તારી નજર બહાર ગયો તો નથી સનમ!
ચીલો મેં ચાતર્યોજ નથી,એમ પણ નથી.
દોસ્તોઅ હવે તો મારી હયાતીને દુવા દો !
કહેશો મા કે મર્યોજ નથી,એમ પણ નથી.
- મારી હયાતીને દુવા દો—મકરંદ દવે
Gujarati Kavita - “ગુજરાતી કવિતાઓ” is powered by WordPress
Free Wordpress themes distributed by Rock Kitty
