કઠોર નયને આજ શે ઊભર્યા કરે નમી,
મગરૂર દિલમાં યાદ કોઈ પ્રજ્જવળી હશે!
સૂરજ ઊગ્યા વિણ આટલો શેનો ઉજાસ છે?
શમા સાથે વિરહમાં કો’ મુગ્ધા બળી હશે!
ભર સવારે પાંપણો થઈ ગઈ છે શબનમી,
સ્વપ્નમા આંખોએ બહારો રળી હશે!
પ્રત્યક્ષ થયા ઘણીવાર પણ ઓળખ્યાં નહિ,
છબી તો છે હ્રદયમાં કિંતુ ધૂંધળી હશે!
ગાલિબની જેમ શબ્દનું તુ ન કર બહુ જતન,
ટેરવાં થશે કલમ, ને લોહી વાદળી હશે!
પીલે આ ઝેર,કર હવે મીરાને આત્મસાત,
દેહ વૃંદાવન પછી ને શ્વા્સ વાંસળી હશે!
-ગુરુદત્ત ઠક્કર.
વાંકીચૂંકી પહેરી હેટ, હાથમાં ઝાલી ઊંધુ બેટ
ભાવનગરના ભોગીકાકા, રમવા દોડ્યા છે ક્રિકેટ
આજે પહેલી મારું ફોર
કહીને કાકા કાઢે જોર
બેટ ફેરવે ચારે કોર
ભારે ચાલી શોરબકોર
વાંકીચૂંકી પહેરી હેટ, હાથમાં ઝાલી ઊંધુ બેટ
ફાસ્ટ બોલથી લાગે કંપ
શ્વાસ તો જાણે ચાલે પંપ
બોલ પડ્યો કે માર્યો જંપ
કાકાએ તો તોડ્યો સ્ટંપ
વાંકીચૂંકી પહેરી હેટ, હાથમાં ઝાલી ઊંધુ બેટ
હેમુને વાગી હડફેટ
બિલ્લુને જઈ વાગ્યું બેટ
ભોગીકાકા શોધે હેટ
પપ્પુ હસતો પકડી પેટ
વાંકીચૂંકી પહેરી હેટ, હાથમાં ઝાલી ઊંધુ બેટ
ક્રિકેટ લાગે કડવું ઝેર
એમાં ક્યાં છે લીલા લ્હેર
ક્રિકેટ કરશે કાળો કેર
કહીને કાકા ચાલ્યા ઘેર
– નિર્મિશ ઠાકર
તને ટેરવેથી SMS મોકલું ને
આંખોથી મોકલું ઈ-મેલ.
તારી હથેળીની ભાષા વાંચી દે એવું
સોફટવેર સ્પર્શોનું કેવું ?
સપનાનું ફોલ્ડર કૂંપળની જેમ હું તો
સાચવીને રાખું છું એવું.
નેટ ઉપર આખ્ખુંય ગગન છલકાય
અને ખાલીખમ પાંપણની હેલ.
આખાયે સ્ક્રીન ઉપર ઉદાસી પાથરીને
ઉઝરડા ગોઠવું છું ફાઈલમાં.
ડૂસકાંઓ ડિલીટ કરું તો ય સાલ્લાઓ
વિસ્તરતા જાય છે માઈલમાં.
ટહુકાથી ખીચોખીચ ભરેલી વેબસાઈટ
મહેંદી ને મોરલાનું સેલ.
તારી ઑફબીટ આંખ્યુએ ડિઝીટલ સપનાંનો
ઈમેલ મૂક્યો છે મારી આંખમાં.
પાંપણનો પાસવર્ડ એન્ટર કરીને હું તો
સૂરજ ઉગાડું બારસાખમાં.
દરિયો, વરસાદ, નભ, ચાંદો ને તારાની
વહેંચાતી કેવી રે ટહેલ !
તને ટેરવેથી SMS મોકલું ને
આંખોથી મોકલું ઈ-મેલ.
– ડૉ. કનૈયાલાલ ભટ્ટ
[‘તાદર્થ્ય’ સામાયિકમાંથી સાભાર]
જમાનો બહુ બદલાય ગયો છે શ્યામ.
ફરી બર્થ લેવા બહુ જોઈશે હામ
જમાનો બહુ બદલાય ગયો છે શ્યામ…….
હવે દેવકીજી એટલે સરોગેટ મધર અને
સ્પર્મ બેંકના રજીસ્ટરમાં શોધવું પડે ફાધરનું નામ.
જમાનો બહુ બદલાય ગયો છે શ્યામ…….
ઈન્ટરનેટ અને મોબાઈલ પર જ મળે છે રાધાજી,
બરસાના હવે વિસ્તારીને બન્યું છે ગ્લોબલયુ ગામ,
જમાનો બહુ બદલાય ગયો છે શ્યામ…….
ટેલ અર્જુન, પાણીમાં જોઈ હવે નથી ફીશ વીંધવાની
ટેલીવિઝનયા સ્વયંવરમાં દ્રૌપદીની ભરવાની હોય માંગ.
જમાનો બહુ બદલાય ગયો છે શ્યામ……
કંસ, બકાસુર, કાળી નાગને નાથવા ખુબ ઇઝી હતા
હવે રોજ રોજ પોપ અપ થાય, નક્સલી અને તાલિબાન.
જમાનો બહુ બદલાય ગયો છે શ્યામ……
નુક્લિયર, હાયડ્રોજન અને બયોલોજીકલ વેપન વચ્ચે
ગદા, ધનુષ્ય કે તારા સુદર્શન ચક્ર શું આવશે કામ?
જમાનો બહુ બદલાય ગયો છે શ્યામ……
એવરીવેર છે યાદવાસ્થળી અને એવરીવેર છે મહાભારત,
પણ ક્યાંય કામ આવતું નથી હવે ગીતાનું જ્ઞાન.
જમાનો બહુ બદલાય ગયો છે શ્યામ……
મોંઘવારી, ભ્રષ્ટાચારી -કેટલા કુરુક્ષેત્રે ફાઈટ કરવી હવે?
સારથી બની રક્ષા કરો ને તમેજ રાખો અમારું ધ્યાન,
જમાનો બહુ બદલાય ગયો છે શ્યામ……
- ડૉ. રશ્મીકાન્ત શાહ
ચર્મરોગ નિષ્ણાંત- કાંદીવલિ (વેસ્ટ) મુંબઈ
૯૮૨૧૨૧૬૦૩૩
ખુદા નામે રોજ નવા અહીં ફતવા નીકળે
રામ નામે રોજ લોક અહીં છળવા નીકળે
રાત આખી નગર જીવે ફફડાટમાં પછી
મૂળથી જ આખી વાત અહીં અફવા નીકળે
કેમ પરખાય, કોણ ચોર કે કોણ શાહુકાર
વેશબદલી રાજા નગર અહીં લુંટવા નીકળે
આગ લગાડે છે બસ ચારે દિશાએ જેઓ
એજ લોટો પાણી લઇ અહીં ઠારવા નીકળે
મૃત્યુ વિશેનું રહસ્ય ઉકલી ગયું “રશ્મિ”
થાક્યો જીવ બીજાને ખભે અહીં ફરવા નીકળે
ડૉ. રશ્મીકાન્ત એમ શાહ
જીન્દગીભર રહ્યો છે મુજપર બોજ કરજ નો,
કે મરણબાદ પણ સહુ છું ભાર કબર નો.
મળી નહી હાશ મુજને હાસિયામા ધકેલી,
રાખી મારા માટે સતત ચિતા જલેલી.
મુજ અશ્રુઓ પર હતો એમનો સિકંજો,
મૌત બાદ પણ મને કહે છે લફંગો.
હું તો પ્રેમાળ હતો માણસ ઘણો,
પણ એમણે મને ચિતર્યો છે દરિન્દો.
-”શબ્દ્શ્યામ” ક્રુત
ઝાંઝવોં હેંચીને ઉછેરેલાં ઉપવનમાં
હાચી લીલાશ્યો ચ્યાંથી લાવશો?
ભમરાં તો ત્હોય જોણે ભાડૂતી ઓણોપણ
ઝોકળી ભેનાશ્યો ચ્યાંથી લાવશો?
અત્તર છોંટીને ફૂલે મ્હેલી મ્હેંક્યો,
ઓલ્યાં ઓંબે મેઠાશ્યો ચ્યાંથી લાવશો?
ભોંઠો પડશે હઉ ફૂદ્દો-પારેવો ને
ગાળ્યો દેશે વટે-મારગું..
પેહશે તડ્કેથી કો’ક ખાવા વેહામો તૈ
લેંમડઈ હળવાશ્યો ચ્યાંથી લાવશો?
ઝાંઝવોં હેંચીને ઉછેરે્લાં ઉપવનમાં
હાચી લીલાશ્યો ચ્યાંથી લાવશો?
-ગુરુદત્ત ઠક્કર
પલ પલ અહિં દ્વન્દ અને દ્વિધા ઉપ્લબ્ધ છે,
પસંન્દ શું કરુ અહિં પરિશ્રમ અને પ્રારબ્ધ છે.
પ્રેમ કરવા માટે પણ અહિં વિકલ્પ ઉપ્લબ્ધ છે,
કોઇનુ હૈય્યુ શીત તો કોઇનુ હૈય્યુ દગ્ધ છે.
આદમી ઓ પણ જુદા જુદા અહિં ઉપ્લબ્ધ છે,
કોઇ નતમસ્તક છે તો કોઇ વળી કરબદ્ધ છે.
ભાવના ઓ પણ ઘણી બધી અહિં ઉપ્લબ્ધ છે,
કોઇ હતપ્રત છે તો કોઇ વળી સ્તબ્ધ છે.
- “શબ્દ્શ્યામ” ક્રુત
કવી ને કવિતા લખવાની ફુરસત નથી,
કંઇ વાત કેહવાની હવે હિમ્મત નથી.
મંદીર મા મુરત રામની જડ્તી નથી,
મારા ખુદા ને મુઝ્થી નિસ્બત નથી.
જાગ્યોછું તારી યાદમા હું સૂતો નથી,
ચક્ચૂરછું તુજમા કદી હું પીતો નથી.
કર્મઠછું માર કામમા હું ચુક્યો નથી,
પલવાર પણ તૂજને કદી ભૂલ્યો નથી.
ચાખ્યોછે તારા પ્રેમને હું ભુખ્યો નથી,
ટુક્ડા થયાછે પણ હજી તુટયો નથી.
- “શબ્દ્શ્યામ” ક્રુત
આ વાત સાવ સાચી છે,
સાવ ખોટે ખોટી બાફી છે;
પ્રેમ એ બીજુ કૈ નહિ,
પણ સરવાળો ને બાદબાકી છે.
અજર અમર છે એ,
સર્વત્ર વ્યાપ્ત છે એ;
આ વિશાળ વિશ્વ ના નકશા ની
એણે ક્યા શરમ રાખી છે?
છે એના પર સૌ ફિદા
આ વાત કરતા નથી બધા;
‘હોશ’એ તો માત્ર સાચી વાત,
તમારી સમક્ષ રાખી છે.
-શ્રેયસ ત્રિવેદી ‘હોશ
Gujarati Kavita - “ગુજરાતી કવિતાઓ” is powered by WordPress
Free Wordpress themes distributed by Rock Kitty
