જિંદગી ચાલી ગઈ છે વાતમાં ને વાતમાં ને અમે બેઠા રહ્યા છઈ હાથ રાખી હાથમાં આપ સૌ તો સુજ્ઞ છો સમજી જશો આ શે’રને કાવ્યના મૃત્યુ થયા છે છીછરા અનુવાદમાં વાંઝણું આંગણ હશેને તો’ય એ ચાલી જશે છાંયડો આપે નહીં એ ઝાડને ઊગાડ મા કોણ જાણે પાંગરીને એ હવે કેવું થશે લાગણીનું બીજ રોપ્યું છે [...]
કશું ના જોઈએ ચાલો, કશાથી પણ છૂટીએ; અમસ્તું એટલું છે, એટલાથી પણ છૂટીએ ! નદી માફક વહીએ, બોજ ના કોઈ લહીએ; રહીએ ત્યાં વસીએ નહિ, જગાથી પણ છૂટીએ ! ફરીએ પંખી જેવું ડાળ ડાળે, પાંદ પાંદે; અખિલમાં એવું ભળીએ કે બધાથી પણ છૂટીએ ! રહે ના કોઈ વળગણ ને હટે સૌ એમ અડચણ, ભરીએ શ્વાસ [...]
સાવ અંગત એક સરનામું મળ્યું, આજ વર્ષો બાદ એ પાનું મળ્યું. મેં લખેલી ડાયરી વાંચી ફરી, યાદની ગલીઓમાં ફરવાનું મળ્યું. સોળમા પાને પતંગિયું સળવળ્યું, જીવવા માટે નવું બહાનું મળ્યું. જાણ થઈ ના કોઈને, ના આંખને, સ્વપ્ન એ રીતે મને છાનું મળ્યું. એક પ્યાસાને ફળી સાતે તરસ, બારણા સામે જ મયખાનું મળ્યું. – હરિશ્ચન્દ્ર જોશી
ખુરશીદાસો બજારે ફરી તો જુઓ, ખુદના હાથે ખરીદી કરી તો જુઓ. સાગર આ મોંઘવારી તણો ગાજતો, સીધા-ટૂંકા તરાપે તરી તો જુઓ. ના આપો લાલચો રોજગારી તણી, બેકારીને તમે કરગરી તો જુઓ. જીવે છે કેમના આ ગરીબો હજી ? વગડે જઈને તણખલા ચરી તો જુઓ. સમસ્યા જળની અમે તો ગળે પાળતા, ‘જીવ’ ! ખોબો પણ તરસને [...]
તાજાં હવાને ઝોંકે માદક સવાર સાથે પમરી ગયો છું પળમાં એના વિચાર સાથે. એની કૃપા મળે તો જીવી જવાય હરપળ, પોતાની જીત સાથે પોતાની હાર સાથે. આંખો મીંચું કે પ્રગટે બ્રહ્માંડ મારી સન્મુખ, નાતો રહ્યો છે એવો અનહદ અપાર સાથે. આવેગ જ્યાં અહર્નિશ ઊર્જા રૂપે પ્રસરતો, સંધાન છે અજાયબ ઈશ્વરના દ્વાર સાથે. ઘંટારવે શિખર પર [...]
શહેરમાં કોઈ સાલું સમજતું નથી, કે જીવન આજનું કાલ મળતું નથી ! આપ તો સાહ્યબીને જ વળગી રહ્યા, આપને કોઈ દિલથી વળગતું નથી ! ના ખપે, ના ખપે, એ હૃદય ના ખપે, જે કદી બુદ્ધિ જોડે ઝઘડતું નથી ! તોય દિલ, મોત સુધરી ગયાનું સમજ, લોક રડતું નથી કિન્તુ હસતું નથી ! ભર બપોરેય અંધાર [...]
ખુલ્લી આંખો, ને અંધાપો રામભરોસે રસ્તો કાપો તરણાની ઓથે બેસીને સૂરજનો પડછાયો માપો મારી ચિંતા સૌ છોડી દો મારાં કર્મો, મારાં પાપો બાંધી મુઠ્ઠી જ્યાં મેં ખોલી નીકળ્યો વર્ષોનો ઝુરાપો ભાલ ઉપર જો હોય જગા તો આંસુનો સરવાળો છાપો ખોવાયું માટીનું ઢેફું કોઈ ‘સહજ’ને શોધી આપો. – વિવેક કાણે ‘સહજ’
મારી, ને તમારી, અને હરકોઈની ઈચ્છા માણસના થતા જાય છે કંઈ કેટલા હિસ્સા હું આંખ હજી મીંચું ત્યાં સ્મરણોનું ભરતકામ અંધારનું એક પોત, ને ઘટનાઓના બુટ્ટા બે મોજાંની વચ્ચેનો સમયગાળો એ જીવન હો રેતના કિલ્લા, કે પછી શબ્દના કિલ્લા અહીં નિત્ય નવો સૂર્ય, નવી ઘોડી, નવો દાવ લઈ જાવ હવે દાટી દો, ઈતિહાસના કિસ્સા આજ [...]
લાગણીઓ અટવાય છે, ચહેરા ક્યાં વંચાય છે !? હિમગિરિના શિખરે તડકો પણ ઠૂંઠવાય છે ! સાગર કાંઠે પવન જુઓ, ખુદ પરસેવે ન્હાય છે ! જાતને જાણે કટકે કટકે ચિંતા કોરી ખાય છે. સાવ સરળ જીવનમાં શાથી અઘરું સહુ વરતાય છે ? થૈ ભેગાં સૌ ‘આનંદ’ કરીએ, સાવ મફત વ્હેંચાય છે. – અશોક જાની ‘આનંદ’
એક વાર હવાને અડી તો જો ! વરસાદની જેમ ક્યાંક પડી તો જો !! રોજિંદી ઘટમાળના પાટા ઉપરથી, ગાંડા એન્જિનની જેમ ખડી તો જો ! ક્યારેક વસંતે કૂંપળ થઈને ઊગે, સુકાઈને પતઝડમાં ઝડી તો જો ! ચોપાસ ઊછળતી મબલખ સુગંધી, થોડીક તારા હૈયે જડી તો જો ! આ શું જે મનને કરે તરબતર છે, મનને [...]