ગઝલ
બંદગી જેને વહાલી હોય છે,
એમને ઘર પાયમાલી હોય છે.
દાનમાં એ દઈ શકે આખું જગત,
હાથ જેના સાવ ખાલી હોય છે.
આંસુ કેવળ એજ ટપકે આંખથી,
યાદની જેને બહાલી હોય છે.
દૂર હો એનેય જકડે બાહુમાં,
જીવ પણ કેવો ખયાલી હોય છે.
ત્યાં મિલનને ને અહીં નોખાઈને,
સાથસાથે રાતપાલી હોય છે !
પૂછ મા શતરંજ જેવા શખ્સનું,
ચાલ બસ ઊંધી જ ચાલી હોય છે !
મૃત્યુનો સંદેશ જે લાવે કદી,
જિંદગી સહુની ટપાલી હોય છે !
– હરેશ ‘તથાગત’
September 25th, 2011 at 8:37 am
kavi ni kalpna kaik judi j hoi che ….
temani rachana ma jivan ni sthirata samayeli hoi che..
kon rank ane kon raja kavi kalame to sahu raja…
chu hui pream no pagal Haresh bhai…
pan su karu jivan ni karunata na darsan kai k juda j hoi che…
rahe che kon kona dill ma das divas sudhi …..
ne aek jamano hato saat janam sudhi…. haresh bhai nano kavi chu …aashirvad aapso…!