તને ટેરવેથી SMS મોકલું ને
તને ટેરવેથી SMS મોકલું ને
આંખોથી મોકલું ઈ-મેલ.
તારી હથેળીની ભાષા વાંચી દે એવું
સોફટવેર સ્પર્શોનું કેવું ?
સપનાનું ફોલ્ડર કૂંપળની જેમ હું તો
સાચવીને રાખું છું એવું.
નેટ ઉપર આખ્ખુંય ગગન છલકાય
અને ખાલીખમ પાંપણની હેલ.
આખાયે સ્ક્રીન ઉપર ઉદાસી પાથરીને
ઉઝરડા ગોઠવું છું ફાઈલમાં.
ડૂસકાંઓ ડિલીટ કરું તો ય સાલ્લાઓ
વિસ્તરતા જાય છે માઈલમાં.
ટહુકાથી ખીચોખીચ ભરેલી વેબસાઈટ
મહેંદી ને મોરલાનું સેલ.
તારી ઑફબીટ આંખ્યુએ ડિઝીટલ સપનાંનો
ઈમેલ મૂક્યો છે મારી આંખમાં.
પાંપણનો પાસવર્ડ એન્ટર કરીને હું તો
સૂરજ ઉગાડું બારસાખમાં.
દરિયો, વરસાદ, નભ, ચાંદો ને તારાની
વહેંચાતી કેવી રે ટહેલ !
તને ટેરવેથી SMS મોકલું ને
આંખોથી મોકલું ઈ-મેલ.
– ડૉ. કનૈયાલાલ ભટ્ટ
[‘તાદર્થ્ય’ સામાયિકમાંથી સાભાર]
August 18th, 2010 at 5:19 pm
ખરેખર ખુબ જ સુંદર રચના છે . ખુબ પસંદ પડી
August 20th, 2010 at 8:33 am
ડૉ. કનૈયાલાલ ભટ્ટ, આપની આ રચના બહુજ નીરાળી છે. મને આપની આ રચના બહુજ તાજગી સભર લાગે છે.
- શબ્દ્શ્યામ – આશિષ ઠાકર
August 26th, 2010 at 11:45 am
ખુબ જ સરસ રચના છે.
આંખના ઇશરાથિ ફાસ્ટ કોઇ ઈમેલ હોય જ નહિ.
એસ એમ એસ કરતા સ્પર્શ વધુ લાગણી આપિ શકે
છે. અને જ્યારે પાપણ પાસ વર્ડ બને ત્યારે પ્રેમ ઊચ્ચ તબ્ક્કાનો છે.
ડો. રશ્મિકાન્ત
August 27th, 2010 at 8:40 pm
મે એક સરસ કવિતા લખી પણ મોક્લાવુ કઈ રીતે? કોઇ જવાબ આપશે?????
CIVILANIL2000@YAHOO.CO.IN