શબ્દસૃષ્ટિ
મઝધારમાં ડૂબી રહ્યું હો
વહાણ, દીકરી !
એવું જ મારું જીવવું તું
જાણ, દીકરી !
હું ક્યાં રમી શકું છું,
તારી સાથે સ્હેજ પણ
શય્યામાં થનગને છે મારા,
પ્રાણ, દીકરી !
મારા વિના તું જીવવાનું
લાગ શીખવા
ટૂંકું છે બહુ મારું અહીં
રોકાણ, દીકરી !
ભૂલી નથી શકતો હું
ઘડીકે ય કોઈને
જબરું છે બહુ કુટુંબનું
ખેંચાણ, દીકરી !
સાકાર હું કરતો હતો એક
સ્વપ્ન આપણું,
એમાં પડ્યું છે અધવચે
ભંગાણ, દીકરી !
જો પ્રાર્થના કરે તો એમાં
તું ઉમેરજે,
મારું પ્રભુ પાસે બને
રહેઠાણ, દીકરી !
મઝધારમાં ડૂબી રહ્યું હો
વહાણ, દીકરી !
એવું જ મારું જીવવું તું
જાણ, દીકરી !
[અમેરિકા સ્થિત જાણીતા યુવા કવિ, ગઝલકાર, વિવેચક શ્રી જગદીશભાઈ વ્યાસનું કૅન્સરની બિમારીને કારણે 16-ડિસેમ્બર-2006ના રોજ દુ:ખદ અવસાન થયું. તેમણે પોતાની પુત્રીને 3-નવેમ્બર-2006 ના રોજ લખેલ આ કાવ્ય, ‘શબ્દસૃષ્ટિ’ સામાયિકમાંથી તેમને અંજલિરૂપે સાભાર. ]
August 19th, 2010 at 8:24 am
અમર એવા શ્રી જગદીશભાઈ વ્યાસનું આ કાવ્ય ઘણું જ હ્રદય સ્પર્શિ છે. તેઓ શ્રી હમેંશા આપણા સૌ વચ્ચે જીવંન્ત રહેશે.
“શબ્દ્શ્યામ” – આશિષ ઠાકર
August 22nd, 2010 at 5:45 pm
આમા કવિનો પોતાની દિકરી માટૅનો પ્રેમ અને જીવની લચારીનુ સુન્દર વણ્ર્ન કરવમાં આવ્યુ છે જેની પ્રસંસામાં શબ્દો મળ્તા નથિ.