આપણેય સજણ કેવાક ભેરૂ શોધવા નીકળ્યાં, નથી પગભર હજી,એનાં પગેરું શોધવા નીકળ્યાં! લગાડી હળદરી લેપો, ને માંગી ચંદની મહેંકો ધરી મ્હેંદી હથેળી રંગ ગેરૂ શોધવા નીકળ્યાં! પછાડ્યાં ચંદ્ર પર પગલાં,ને ડહોળ્યા કંઈક દરિયાઓ, સહારા શબ્દનાં લઈ મૌન ઘેરું શોધવા નીકળ્યાં! ઉતાર્યાં વસ્ત્ર પહેરી બહુ, લીધી-છોડી કંઈ દીક્ષા, ભર્યા મંદિર મહીં અણજાણ દે્રું શોધવા નીકળ્યાં! હતા [...]
આ રહ્યો ભૂતકાળ લે! ગમે તો પંપાળ, લે! ચાવી નથી ઘડીયાળની થીજી ગયો આ કાળ, લે! કરોળિયો સંબંધનો મૂકી ગયો જંજાળ, લે! બર્ફીલા પ્હાડો યાદનાં ભીંજવશે -ઓગાળ, લે! નીકળ્યા ખુદની શોધમાં, મળી ખુદાની ભાળ, લે! -ગુરુદત્ત ઠક્કર.
સાજણ તારા નેણ થકી તુ એવાં વેણે બોલ, થાય કદી ના તોલ એનાં, બની રહે અણમોલ, વાદળીયા વે’વાર જગતનાં સદા રહે ના નેહ નીતરતાં, લાગણીયા વે’પાર કરીને દલડાં સાથે ખેલ એ કરતાં. કોરાં પૂમડાં ખોસ્ય નહીં ’ને ભેની ફોરમ ઘોળ, થાય કદી ના તોલ એનાં, બની રહે અણમોલ. …..સાજણ… કંકુવયણી આશ્યોનાં તો તોરણીયાં બાંધ્યા હરખઈ, [...]
શના કુંભારના હસ્તે હકીકતમાં ઘડાયો છું ઘરોબો થઈ ગયો એવો ચકરડામાં ફસાયો છું મૂકી’તી ઢીલ ખાસી તો’યે લાધ્યો હાથ ના છેડો યથાવત એ જ ફીરકામાં વળી પાછો વીંટાયો છું બજવણી થઈ ન’તી આરોપનામાની હજી તો’યે હુકમનામાની ગફલતમાં શૂળી પર હું ચઢાયો છું કહી દે દોષ એમાં કઈ હતો મારો કશો સૃષ્ટા જીવે છે મોજથી કુંતી [...]
પન્નીને પહતાય તો કે’ટો ની. વાહણ જો અથડાય તો કે’ટો ની. અમના તો કે’ટો છે કે પાંપણ પર ઊંચકી લેમ. પછી માથે ચડી જાય તો કે’ટો ની. અમના તો પ્યાર જાણે રેહમની ડોરી. એના પર લૂગડાં હૂકવાય તો કે’ટો ની. ”એની આંખોના આભમાં પંખીના ટોળાં…” પછી ડોળા દેખાય તો કે’ટો ની. હમ, ટુમ ઔર ટન્હાઇ, [...]
લે કાળ ! તને સંતોષ થશે, હું તારે ઈશારે ચાલું છું, જીવનની સફર પૂરી કરવા તલવારની ધારે ચાલું છું. ચોમેરથી થપ્પડ મારે છે તોફાનનાં ધસમસતાં મોજાં, લોકોની નજર તો નીરખે છે, હું શાંત કિનારે ચાલું છું. ફૂટીને રડે છે મુજ હાલત પર મારા પગનાં છાલાંઓ, કંટકથી ભર્યા પંથે આંખો મીંચીને જ્યારે ચાલું છું. છે નામનો [...]
કેડી અજાણ માંડે ચરણ-વનરાજી, સુગંધ, ટહુકા,હરણ.. ભટકુ હું વન સકળ , ને પછી મારામાં આખું વન ભટકે! વર્ષા, મિલન બે ઘડી ને પછી યુગથી શુષ્ક જીવન, જીદે ચઢે સ્મૃતિ, આ મન, ને નયનમાં સાવન ભટકે! જમુના તટ, ડાળ કદંબ ને ઓલ્યાં વાંસલડીના સૂર, મોહનની ભાળમાં વ્યાકુળ પવન, આખુંયે વૃંદાવન ભટકે! ઘટના ઘટી એક ક્ષણ ને [...]