ઓસમાં જેમ આભનું બિમ્બ પડે અફર પડે
July 8th, 2009
ઓસમાં જેમ આભનું બિમ્બ પડે અફર પડે
જ્યારે ઉઘાડે આંખ તું મારી ઉપર નજર પડે.
તું જે દિશા તરફ વળે સામે મળું હું દિશદિશે
રાહ તું લે જે એ બધી રાહ માં મારું ઘર પડે.
તારી છલકમાં એમ કંઇ મારી ય છોળ ઓતપ્રોત
તારી ખબર થતાં મને મારા વિષે ખબર પડે.
તારી સુવાસ પાસ આ મારું હવા હવા થવું
મારા હરેક હાલની તારી ઉપર અસર પડે.
કેવું સભર કર્યું છે તેં મારું જીવન હું શું કહું
એક ઘડી વિતાવવા ઓછી મને ઉમર પડે.
-હેમંત ઘોરડા
kub sars aa kvita chhe je mane khb pasand chhe