તારા હ્રદયની વિશાળતા વિશે લખું ?? કે તારી ને મારી મિત્રતા વિશે લખું ?? કોરીધાકોર તારી લાગણીઓ વિશે લખું ?? કે તને કોરી ખાતી આ એકલતા વિશે લખું ?? સમયે મારેલાં તમાચાઓ વિશે લખું ?? કે સંબંધમાં મળેલા વિશ્વાસઘાત વિશે લખું ?? સ્વપ્ન વીહોણી તારી રાતો વિશે લખું ?? કે નિસાસા થી ભરેલા તારા શ્વાસ [...]
આ મોબાઇલ મને નડે છે. પતિની પાછળ આ મોબાઇલ પત્ની ની જેમ્ ફરે છે, કંઇક ખોટુ બોલતા આમજ પકડાવી દે છે. આ મોબાઇલ મને નડે છે. હાલતા ચાલતા ગમે ત્યારે બોલી પડે છે, અને ન ઉપાડો ત્યાં સુધી બોલ્યા કરે છે, આ મોબાઇલ મને નડે છે. રજા માં પણ બોસ ના ફોન આવ્યા કરે છે, [...]
ગગને ગાજ્યો મેઘો ઘનઘોર , લહેરાયું યૌવન અંગ અંગ ઢળતી રે સાંજે નીતરતા અંગે, નેણલાં શોધતાં સાજનનો સંગ શીતલ સમીર કંપાવે દિલડું ને જોશે ઝીલું ઝરમરીયો મેહ નાજુક નમણી નારી હું રુપાળી , નયનોમાં ઊભરે છે નેહ ઝરુખે ઊભી થાકી લજવાતી , વરસાદની છાંટે હું છંટાતી અટૂલી ઘરમાં ભમીને ઘૂમતી,ઘડીઓ જુગજુગ ખૂટે ના ખુટાતી આથમતો [...]
ધીર ને ગંભીર થાતાં જાય છે એ નદીના નીર થાતાં જાય છે ! જિંદગીને જીવવાની હોંશમં દ્રૌપદીના ચીર થાતાં જાય છે ! સંગ જેનો ખૂબ ગમતો હોય છે એ બધાં તસવીર થાતાં જાય છે ! લાગણી ને પ્રેમના સંબંધ પણ સાંકડી જંજીર થાતાં જાય છે ! શબ્દને હું ચાહતો રહું તે છતાં શબ્દ પોતે તીર [...]
ખુરશી ની ખેંચતાણી ને સત્તાની સાંઠમારી છે હડીયો કાઢતી મોંઘવારી ની હાડમારી છે આંતક ને આતમ નો આલમ છે બંદુક ની ગોળીએ વીંદ્યાતી ચીસોની ચિત્કારી છે લાશો ના ઢગ ખડકી દેવાય છે, દેશનો ટુકડો લેવા સુલેહથી સુલઝાવાની નાપાકની કયાં સમજદારી છે નૌકરી ની શોદ્યમાં ભટકે છે દરબદર બેકારો શનિ ની બેઠી પનોતીની સાડાબારી છે ટેબલે [...]
જ્યારે જ્યારે તું હની ખિજાય છે ત્યારે ગ્લોબલ વોર્મિંગ થઈ જાય છે સાવ નિર્મમ ના કહીશ ગુડબાય તું ગુજરાતીમાં આવજો કહેવાય છે લાગણી લીટરના જેવી છે રબીશ, ડસ્ટબીનમાં તે હવે ફેંકાય છે તું મને પાલવનું ઇન્ગ્લીશ પૂછ નહિ અહિંયા આંસુ ટીશ્યુથી લુછાય છે મોનિકા જેવી જ ભાષા છે ‘અદમ’ સહેજ અડીએ ને ભવાડા થાય છે [...]
આજ મૌનનું બંધ શિવાલય ખૂલ્યું, અંધકારનો સર્પ સરકતો શંકરની ગરદનમાં, નંદી હમણાં ખરી પછાડી; પુચ્છ ઉછાળી ધસી આવશે, કરોળિયાનાં જાળાઓમાં શિંગ ભરાતાં ખચકાશે; અટવાશે, ત્યારે દેહ ઉપરથી ભસ્મ ઉડીને પંથ ચીંધશે, ઘંટારવની સૌરભ પ્રસરે કુંજે કુંજે, આજ સકલ બ્રહ્માંડ શબ્દનું ઝૂલ્યું, ખૂલ્યું ખૂલ્યું આજ મૌનનું બંધ શિવાલય ખૂલ્યું. -આદિલ મન્સૂરી
એમ ના બોલો તમે ગમતા નથી, માત્ર તમને ચાહું એ ક્ષમતા નથી. જિંદગીમાં આટલું હાર્યા પછી, જીતવા માટે કદી રમતા નથી. ભીડમાં એકાંત વહાલું લાગતું, બસ હવે તો કોઈની મમતા નથી. એક ઝંઝાવાતમાં તૂટી ગયા, લાગણીના ઘર હવે બનતા નથી. આંસુમાં પણ એટલી તાકાત છે, હા, ભલે એને નદી ગણતા નથી. જ્યારથી માણસને ઓળખતા થયા, [...]
તું વહે વંશીને સૂર આ જ્યારથી, આળખું હું તને ગઝલ-આકારથી. આવ સામે હવે તું મને ભેટવા, ડગ ન એકે ભરું હું હવે દ્વારથી. પોત પાંખું થતાં જ્યોત ઝળહળ થઈ, પાર પણ પરવર્યું પારના પારથી. લક્ષવિણ લક્ષવિધ મોજ આ ઊછળે, ધાર જુદી ક્યહાં આદ્ય આધારથી. લૂમઝૂમે લચી લીધ ઝૂલી નર્યું, ડાળ ખરતી અહો, ડાળના ભારથી ! [...]
સંબંધોય કારણ વગર હોય જાણે, આ માણસ બીજાઓથી પર હોય જાણે. ઉદાસી લઇને ફરે એમ પાગલ, રહસ્યોની એને ખબર હોય જાણે. મકાનોમાં લોકો પુરાઇ ગયા છે, કે માણસને માણસનો ડર હોય જાણે. હવે એમ વેરાન ફાવી ગયું છે, ખરેખર આ મારું જ ઘર હોય જાણે. પવન શુષ્ક પર્ણો હઠાવી જુએ છે, વસંતોની અહીંયા કબર હોય [...]