જીવી રહ્યો છું બેહાલ જીવન મારું

વીતાવી રહ્યો છું તારી યાદમાં જીવન મારું,

કેટલી વેદના સહન કરી રહ્યો છું આજે,

છતાં વિતાવીશ તારા નામ પર જીવન મારું,

યાદ કરી રહ્યો છું હરપળ જેની,

તેના જ સ્વપ્નોમાં વિતી રહ્યું છે જીવન મારું,

જીંદગી પાસેથી શું રહ્યું મારે મેળવવાનું,

જે હતું એ જ જતું રહ્યું જીવન મારું,

કાંઈ નથી જોઈતું ઓ ખુદા મારે,

અર્પણ કરજે તેને આ જીવન મારું,

નીકળી રહ્યો છે ધુમાડો કોઇક ખુણેથી,

ખબર નથી તને સળગી રહ્યું છે જીવન મારું,

કોણ સમજે મારી વ્યથાના પીંડને ભલા,

બળી રહયું છે આમ્ને આમ જીવન મારું,

ભલે ના થઈ આ જીવનમાં તું મારી,

તને ચાહીને પણ જીવતો રહીશ જીવન મારું…..