લખી દે !!
November 12th, 2008
ધીરી સી આંચે તો ન પરખાશે કાંચન
પથ પર અગન આજીવન તું લખી દે !!
શું કરું સનાતન ઘૂઘવાટ સાગર સમો ?
વહેવું, અથડાવું છ્તાં ખળખળ હસવું લખી દે !!
ગલહાર થઇ ચળકવું ન પોસાષે વર્ષો
તવ ચરણે મહેકવું દિવસભર નું લખી દે !!
શું થયું જો ઉર્ધ્વગમન નિત દીપશીખા નું ન હો,
પતન તો પતન ; પણ નદી સરીખુ લખી દે !!
ટુકડે ટુકડે જીવી તો ન નીકળશે જીંદગી,
રેતઘડી શું ક્ષણે ક્ષણ નું સાર્થક સરકવું લખી દે !!
- ચિંતન પટેલ
આ કવિતા અહી પોસ્ટ કરવા બદલ આભાર…… મારી કૃતિ તમને ગમી એ જાણી આનંદ થયો….