શબ્દને અર્થની ખબર ક્યાં છે ?
શબ્દને અર્થની ખબર ક્યાં છે ?
લાશને શું ખબર,કબર ક્યાં છે ?
ધન નહિં, માત્ર તેજ કર ભેગું ,
દીવડો આપણો ક્યાં અમર છે ?
પ્હાણ જોતાં જ ,જાય તૂટી પણ ,
કાશ એવી હવે નજર ક્યાં છે ?
જ્યાં તને શોધવા ગમે કાયમ,
આજ એવું નગર ક્યાં છે ?
જોઈલો સૌ નિમગ્ન છે ખુદમાં ,
અન્યની કોઈને કયાં ફિકર છે ?
લાગણી શૂન્ય છે હૃદય સઘળાં ,
શબ્દની એટલી અસર ક્યાં છે ?
- આબિદ ભટ્ટ
January 26th, 2009 at 6:08 pm
ધન નહિં, માત્ર તેજ કર ભેગું ,
દીવડો આપણો ક્યાં અમર છે ?
ઉપરોક્ત શેરમાં દીવડો આપણો અમર ક્યાં છે ? કરવાથી રદીફ અને કાફીયા જળવાય છે.
જોઈલો સૌ નિમગ્ન છે ખુદમાં ,
અન્યની કોઈને કયાં ફિકર છે ?
ઉપરોક્ત શેરમાં અન્યની કોઈને ફિકર કયાં છે ? કરવાથી રદીફ અને કાફીયા જળવાય છે.