મૌનનાં યારો હવે પડઘાં પડે છે
July 2nd, 2008
મૌનનાં યારો હવે પડઘાં પડે છે,
ને મિત્રોનાં કીધાં સૌ, મુજને નડે છે!
પસ્તીનાં છાપા શા, છે સંબંધ સગળા,
વીતતી હર શ્રણ થકી, એ ઓગળે છે!
પામવું હો જો કશું, માથું નમાવો!
પ્રેમથી યાચો સદા- પત્થર ફળે છે!
“સાત પગલાં”; દશ દિશે ભટકે હવે,
તે છતાં મુજ દામ્પત્ય ઝળહળે છે!
ચામડી નાસૂર થૈ છે, યારો મારી,
ક્યાં નિરાશા-આશા, કો’ મુજને કળે છે!
યાદ એની દિલને બાળે જે ,શ્રણે,
સ્વિચ થાતી ‘ઓન’ ને શબ્દો સરે છે!
સૌ નિયમ બાજૂએ મૂકી આવ,’ચેતન’!
દિલ હજીયે તારા માટે ટળવળે છે!…….
- ચેતન ફ્રેમવાલા
