એક વાર ચોમાસું ખાબકયું
June 9th, 2008
એક વાર ચોમાસું ખાબકયું,
એકલી એ છોકરીને ભીંજવવા કાજે.
દેરીના દેવે કહ્યું- માત્ર, માત્ર,માત્ર
ત્યારે કેવડો ચડયો’તો ઉન્માદ?
સખીઓએ માગેલા મનગમતા વર,
એણે એકલીએ માગ્યો વરસાદ!
એ રાતે, છોકરીને સોણે વરસાદ આવ્યો,
એકલી ભીંજાતી’તી ફળિયે!
એવો વરસાદ-સાવ કોરુંકટ ગામ,
ન’તો છાંટો વરસ્યો નેવે-નળિયે!
એ દોડે એટલી ભીંજાણી’તી છોકરીને
ઓરડો નીતરતો’તો લાજે!
- ગિરીશ ભટ્ટ (Divyabhaskar.com.in)
